Kooxda kubadda cagta ee Midnimo oo ku guuleystay Koobkii Sannakan (2007)

St. Paul, Minnesota
July 04, 2007

 

Kooxda kubadda cagta ee Commonality oo gashay kaalinta 2aad

Maalmihii la soo dhaafay ayaa waxa si is daba jog ah uga socday Gobolka ay Soomaalidu buuxdhaafisay ee Minnesota, ciyaaro iyo damaashaadyo loogu magacdaray Todabaadka Soomaalida (Somali Week), oo ay soo qaban qaabiyeen Ururka Somali American Independence Day. Isla markaasna  lagu xusayay maalintii ay xuroobeen kooforta Soomaaliya iyo o isu taggii labada gobol ee Waqooyi Iyo Koonfur.

Munaasibadan oo lagu soo bandhigay bandhig faneedyo kala gadisan ayaa hadana waxa goobta yaalay koob lagu maamuusayay muhiimada ay leedahay maalintii la'iska tuurey  heeryadii gumaysiga.

Koobkan ayaa hadaba waxa si xirfadaysan ugu tartamay 10 kooxood oo ka kala yimid Dunida daafaheeda sida Yurub, Canada iyo gobalada kala gadisan ee dalkan Mareykanka. Ciyaarahaas oo dhamaantoodba ahaa kuwa  xiiso iyo xaamaasad badan.

Cayaarahaas oo maalinba maalinta ka dambeysa laysugu xoog sheeganayey ayaa waxaa laysla soo gaaray FINALKA ama ugu dambeyntii ay isugu soo hadheen labada kooxood oo kala ah  Midnimo iyo Commonality oo labadaba hoygoodu yahay wadankan Mareykanka gaar ahaan gobalka Minnesota.

Hadaba bishan  July 2deedii, 2007 ayaa goroonka kubadda cagta ee magaalada St. Paul waxaa uu  buuxdhaafshay boqolaal Soomaali ah oo xiisa weyn u hayey  ciyaartii dhexmaraysay labada kooxood ee Midnimo iyo Commonality. Ciyaartaas oo un ahaantii aheyd mid xiiso leh oo ay laba kooxoodba banaanka soo dhigeen wixii ay khibrad iyo tobabarba qabeen si ay u hantaan guusha Koobka.

Balse waxa la isku mari waayay qeyb tii hore ee ciyaarta ay kooxiba kooxda kale ku waday weerar iyo weerar celis, laakiin nasiibku aanu midna siin in ay goolhaye yaasha dhinac marshaan Kubada. Taas oo ku dhamaatay 0-0.

Nuskii danbe (halftime) ee Ciyaarta markii lasku soo laabtay iyada oo tobabareyaashuna soo dhiibeen wixii ay talo iyo tusaaleba ay hayeen, ayaa goreenkii marlabaad la isku baacsaday in kasta oo labada kooxoodba ay ka muuqatay ciyaar xirfadaysan oo waliba xiiso galisay daawadayaasha. Waxaa marag madoonto aheyd in kooxda Midnomo si adag u xoojisay weerarkooda halka difaaca kooxda Commonality uu ka muuqday habacsanaan uu daal ku jiro, taas oo kaliftay in ay Midnomo ku hubsato 3 gool shabaqa kooxda Commonality cayaartiina ay  ciyaartu ku dhamaato 3-0.

 

Waxa xusid mudan oo aan marna laga tagi karin in caiyaarta kadib inta aanan biladaha iyo koobabka la gudoosiin ciyaartoygii halkaas isugu yimid in uu Maxamuud Nuur Wardheere oo ka tirsan Shaqaalaha Xafiiska Senator Colman oo looga bartay ururinta iyo kor u qaadida tayada ardayda Soomaaliyeed uu soo diraarshay Barnamij kooban oo lagu guddoon siinayaay Shahaadooyin ardaydii Soomaaliyeed ee sanadkan ka qalin jabisay Jaamacadaha gobalkan Minnesota oo tiro ahaan ku dhawaa 150 arday balse ay munaasibadan ka soo qeyb galeen ku dhawaad labaatameeyo arday.

 

Qaar ka mid ah ardaydii sannadkan ka qalin jibisay Jaamacadaha gobolka Minnesota

Shahaado bixintan iyo xuskan gaarka ah ayuu Maxamuud Wardhere ii sheegay, in ujeedadiisu tahay in lagu dhiiri galiyo dhalinyarada Soomaaliyeed meelkasta oo ay joogaaan iyo in lagu faano hormarka ay Soomaalidu ka gaartay dhinaca waxbarashada . Ayada oo tani aheyd markii ugu horaysay ee Munaasibadan oo kale la isugu keeno arday ka soo qalin jabisay jaamacadaha kala duwan ee ku yaala gobolkan Minnesota.

Gabagabadii xuska munaasibda xoriyada Soomaaliyeed ayaa waxa halkaas lagu baxshay abaalmarimo ay ka mid ahaayeen Koobka Kaalinta Koobaad oo ay hanatay Kooxda Midnimo halka ay kaalinta labaad gashay kooxda Commonality.
Abaalmarinadii kale waxaa loo kale helay sida soo socota:
1- Tobabaraha Sanadka Ciise Mohamed oo watay kooxda Somali Stars ee Gobalka Tennessee.
2- Ciyaaryahanka Sanadka (MVP) Nuradiin Yussuf #22 Kooxda Midnimo
3- Ciyaaryahanka ugu Difaaca adkaa Mustafe Scoupy Kooxda Commonality
4- Goolhayaha Sandaka Cali Xasan Kooxda Somali Stars
5- Ciyaaryahankii ugu Goolasha badnaa Yuusuf Xasan 8 Gool, Kooxda Midnimo.
6- Kooxda heshay Bilada edaabta La Cruz oo ka Socotay magaalada St.Cloud.

Gabagabadii Mubnaasabaddaasi waxay ahayd mid dadkii ka soo qeyb galey ay si aad ah ugu riyaaqeen waxyaabihii halkaas ka socda iyo farxaddii ay is dhaafsanayeen dadka Soomaaliyeed ee ku  nool gobolkan Minnesota oo had iyo jeer aad u weyneeya Maalmaha qaddarinta mudan ee Gobanimada Soomaaliya.

Waxaa warbixintaan gobolka Minnesota nooga soo diray:
Abdifatah Mohamed Abdinur
E-mail: abdifatah_7@hotmail.com

Contact: infozone@djibtalk.com